Տիեզերական Ուժի Տրանսմուտացիա

ՏԻԵԶԵՐԱԿԱՆ ՈՒԺԵՐԻ ՏՐԱՆՍՄՈՒՏԱՑԻԱՆ.

Տիեզերական Ուժի Տրանսմուտացիան աշխատանք է, որը պետք է կատարենք գիտակցաբար։ Այս աշխատանքը կատարվում է Երկիր Մոլորակի, Մարդ Միկրոկոսմոսի և Սիրիուս Արեգակի միջև։

Նախքան այն սկսելը պետք է կատարենք դերվիշների պարը, որպեսզի կարողանանք ունենալ բավարար կենտրոնացում։

Երբ կատարում ենք այս աշխատանքը, Դհարմա ենք վաստակում մոլորակին գիտակից օգնության համար։ Այդ Դհարման արտացոլվում է այն ուժի մեջ, որը մեզ մնում է այս աշխատանքին մասնակցության շնորհիվ։

Երկիր մոլորակին անհրաժեշտ է մեր գիտակից համագործակցությունը։ Երկիր մոլորակն իր ներսում նույնպես ունի իր Արեգակը, այս Արեգակը կոչվում է Մելքիսեդեկ՝ Ներքին Արեգակը։

Սիրիուս Արեգակում գտնում ենք Ձայնի Բանակը։ Նրանից է գալիս այն ողջ էներգիան, որը պահպանում է Արարչությունը։ Եթե մարդ պատկերացնում է Սիրիուսի Հոգևոր Արեգակը, տեսնում է փոքրիկ լույսերի մի պարույր՝ կազմված միլիոնավոր հրեշտակներից, որոնք շարժում են Ձայնի Բանակը, ապշեցուցիչ փայլով։ Կախված կենտրոնացման այն աստիճանից, որ մարդ ունի, կարելի է տեսնել սա։

Տիեզերական Ուժի Տրանսմուտացիան մեկից երկու ժամ կատարող մարդը կարող է հասնել նրան, որ տեսնի նման բաներ. այն տեսնելու հնարավորությունը ձեռք է բերվում լավ կենտրոնացմամբ։

Մենք կատարում ենք այս աշխատանքը՝ կանչելով մեր Էակին, որովհետև մեր Էակի համար չկա ոչ տարածություն, ոչ էլ ժամանակ։ Այսինքն՝ մինչև Սիրիուս եղած հեռավորությունը նշանակություն չունի, այն հեռավորությունը, որ կա այնտեղից, որտեղ գտնվում ենք, մինչև Երկրի կենտրոնը, այն մոտավորապես 6 240 կիլոմետրը, որ կա մինչև Երկրի կենտրոնը, Էակի համար էական չէ, Նա մեկ վայրկյանում կարող է այնտեղ լինել։

Նստում ենք՝ ձեռքերի ափերը դեպի վեր ուղղված։ Պատկերացնելու ենք տիեզերական էներգիայի ընդունման և հաղորդման այն հորձանուտները, որոնք կան ոտքերի մատներում։

Ուրեմն, աշխատանքն այն է, որ էներգիան Երկիր մոլորակից տեղափոխենք մինչև Սիրտը, ապա տեղափոխենք այն մինչև Սիրիուս Արեգակ, ապա նորից իջեցնենք այն մինչև մեր Սիրտը և վերջում այդ Տիեզերական Էներգիան հանձնենք Երկիր մոլորակին։

Կատարվում է ամբողջական շրջանը։ Էներգիա ենք տանում Սիրիուս և էներգիա ենք բերում Սիրիուսից Երկիր մոլորակ, այն արտաշնչում ենք Երկիր մոլորակի մեջ՝ թոքից դուրս մղելով ամբողջ օդը։

Կարող է լինել նստած կամ կանգնած, նշանակություն չունի։ Ներշնչում եմ՝ կատարելով առաջին ութը մոլորակի կենտրոնում, և այն տանում եմ մինչև սրտի բարձրությունը, կատարվում է Ութը, դուրս է գալիս դեպի Սիրիուս գլխագագաթով, որովհետև գլխագագաթը մոլորակի, միկրոկոսմոսի ելքի կետն է։ Ապա հասնում ենք Սիրիուս, պատկերացնում ենք Սիրիուսը, այնտեղ կատարում ենք Ութը և նորից վերադառնում ենք դեպի սիրտը, կատարում ենք Ութը, սրտից ելքի ժամանակ արտաշնչում ենք և ամբողջ լիցքաթափումը դուրս ենք մղում դեպի մոլորակի կենտրոն՝ այնտեղ՝ կենտրոնում, կատարելով Ութը։

Մեկ ամբողջական շնչառությունը –ներշնչում, պահում և արտաշնչում, տևելու է երեսուն վայրկյանից մինչև մեկ րոպե՝ կախված յուրաքանչյուրի թոքերի տարողությունից։ Պետք չէ մտահոգվել շտապելու մասին, շտապողականության կարիք չկա։

Տրանսմուտացիան ավարտելիս մենք լիցքավորված ենք աներևակայելի էներգիայով՝ ելք, մեդիտացիա, ինչ էլ որ լինի, կատարելու համար։ Դա շատ առանձնահատուկ էներգիա է. որքան շատ է տրանսմուտացվել, այնքան ավելի լավ է զգում մարդ, և այնքան ավելի լավ կարող է կենտրոնանալ՝ պրակտիկաները կատարելու համար։

Էներգիան կարող եք պատկերացնել արծաթամոխրագույն, ամենաանսպասելի պահին սկսում են այն տեսնել։ Երևալու է էներգիայի շիթը, որը հոսում է մարդու միջով, բայց դա երևում է պրակտիկայի ընթացքում։

Տրանսմուտացիայի այս վարժությունը կատարելու պայմաններն են.

• Լինել բոբիկ։
• Հանգիստ վայրում։
• Հնարավորության դեպքում՝ հողի հետ շփման մեջ։ Եթե հնարավոր չէ, ապա լինել այնպիսի նյութերի վրա, որոնք չեն մեկուսացնում, ինչպես սալիկապատ հատակները։ Գորգերը մեկուսացնում են։

Տիեզերական Ուժի Տրանսմուտացիայի աշխատանքը կատարելու համար պետք է կատարել հինգ հորիզոնական Ութ՝ Անվերջության խորհրդանիշին (∞) նման.

• Առաջին Ութը՝ ներքևում, Երկրի կենտրոնում։
• Երկրորդ Ութը՝ Սրտի բարձրության վրա։
• Երրորդ Ութը՝ Սիրիուս Արեգակում։
• Չորրորդ Ութը՝ կրկին Սրտի բարձրության վրա։
• Հինգերորդ Ութը՝ վերջապես նորից հասնում ենք Երկիր մոլորակի կենտրոն։

ՊՐԱԿՏԻԿԱ.

Սկսում ենք ներշնչումով։ Երևակայությամբ հավաքում ենք էներգիան Երկիր մոլորակի կենտրոնից՝ կատարելով առաջին Ութը։ Ապա բարձրանում ենք մինչև Սիրտը։ Կատարում ենք երկրորդ Ութը Սրտի բարձրության վրա։ Պահելով օդը՝ դուրս ենք գալիս գլխագագաթով և գնում ենք դեպի Սիրիուս, պատկերացնում ենք Սիրիուսը։ Կատարում ենք երրորդ Ութը Սիրիուսում։ Իջնում ենք մինչև մեր սիրտը՝ ներթափանցելով գլխագագաթով։ Կատարում ենք չորրորդ Ութը Սրտում։ Դուրս գալով Սրտից՝ արտաշնչում ենք՝ դեպի Երկիր ուղարկելով այն ամբողջ էներգիան, որ բերում ենք, պատկերացնելով, որ այդ էներգիան լիցքաթափում ենք մոլորակի կենտրոնում։ Եվ կատարում ենք հինգերորդ ութը