Ինքն իրեն ճանաչել նշանակում է հասած լինել նույնության իր սեփական Աստվածային Էակի հետ, իմանալ, որ ինքը նույնական է իր սեփական Ոգուն, անմիջականորեն վերապրել ճանաչվածի և ճանաչողի միջև նույնացումը։ Հենց դա է, որ մենք կարող ենք և պետք է սահմանենք որպես Ինքնաճանաչում։
Կյանքում հիմնականն իրապես ինքն իրեն ճանաչելուն հասնելն է. որտեղի՞ց ենք գալիս, ո՞ւր ենք գնում, ո՞րն է գոյության նպատակը, ինչի՞ համար ենք ապրում, և այլն, և այլն, և այլն։
Անշուշտ, ինքն իրեն ճանաչելը հիմնականն է. բոլորը կարծում են, թե ճանաչում են իրենք իրենց, մինչդեռ իրականում իրենք իրենց չեն ճանաչում։ Ուստի անհրաժեշտ է հասնել իրենք իրենց լիակատար Ճանաչմանը. և սա պահանջում է անդադար Ինքնադիտարկում, մենք պետք է տեսնենք մեզ այնպիսին, ինչպիսին կանք։
Ցավոք, մարդիկ հեշտությամբ խոստովանում են, որ ֆիզիկական մարմին ունեն, ընդունում են, որ ունեն այն, որովհետև կարող են տեսնել այն, շոշափել, սակայն նրանց հոգեբանությունը փոքր-ինչ այլ է։ Անշուշտ, քանի որ չեն կարող տեսնել իրենց սեփական հոգեկանը, քանի որ չեն կարող դիպչել կամ շոշափել այն, նրանց համար դա ինչ-որ անորոշ բան է, որը չեն հասկանում։ Երբ որևէ մարդ սկսում է դիտարկել ինքն իրեն, դա աներկբա նշան է, որ նա փոխվելու մտադրություն ունի։
Ով իսկապես ցանկանում է ճանաչել Երկիր մոլորակի, արեգակնային համակարգի կամ այն գալակտիկայի «Ներքին Աշխարհները», որտեղ ապրում ենք, նախ պետք է ճանաչի իր ներաշխարհը, իր անհատական ներքին կյանքը, իր սեփական «Ներքին Աշխարհները»։
«Ճանաչի՛ր ինքդ քեզ, և կճանաչես Տիեզերքն ու Աստվածներին»։ Մեզանից յուրաքանչյուրն ունի իր սեփական Աստվածային Իմաստությունը, որն իր Իրական Ներքին Էակինն է։
Գիտենք, որ Աստված ամենուր է։ Բայց
ճանաչո՞ւմ ենք Աստվածության մեր սեփական մասը։
Մենք երբեք ժամանակ չենք ունենում մեր ներքին աշխարհը ճանաչելու համար։ Դրան բավարար կարևորություն չենք տալիս։ Այնուամենայնիվ, անհրաժեշտ է այս աշխատանքը կատարել գիտակցաբար։
ՄԵՆՔ ԲՈԼՈՐՍ ԿԱԶՄՎԱԾ ԵՆՔ ԵՐԵՔ ՄԱՍԻՑ.
Նյութ. մեր Ֆիզիկական Մարմինը կամ մարդկային մեքենան։ Մենք ունենք այն, բայց դա միակ բանը չէ, որ մենք ենք։
Նյութից — ՖԻԶԻԿԱԿԱՆ ՄԱՐՄԻՆ — Մարդկային Մեքենա։
Հոգի կամ Միտք. բանտարկված Էության 97%-ը՝ Հոգեկան Էներգիան, որը ծնում է մեր բոլոր շարժումները և որը մենք չենք ճանաչում, չնայած որ շատ ավելի երկար ենք ապրում ներքին աշխարհում, քան արտաքին աշխարհում։ Այստեղ ենք գտնում մեր լինելու բոլոր տարբեր ձևերը՝ մեր թերությունները։
Էներգիայից — ՀՈԳԻ ԿԱՄ ՄԻՏՔ — Բազմակի Հոգեկան։
Ոգի կամ Գիտակցություն. ազատ և գիտակից Էության 3%-ը՝ մեր Աստվածային Իմաստությունը։ Իրականը, Ճշմարիտը, Հավերժականը կամ Անմահը, յուրաքանչյուրիս Ճանաչողը, այն, ինչը ժամանակինը չէ և երբեք չի անցնում։
Լույսից — ՈԳԻ ԿԱՄ ԳԻՏԱԿՑՈՒԹՅՈՒՆ — Իրականը, Ճշմարիտը և Հավերժականը
բանտարկված Էության 97%-ըազատ և գիտակից Էության 3%-ը
Ներքին Գիտելիքին հասնելու համար մենք պետք է ուսումնասիրենք Իմաստության Չորս Սյուները, որոնք թույլ կտան մեզ դանդաղորեն թափանցել այն ներքին աշխարհի մեջ, որը «սեփական անձ» է կոչվում։
ԻՄԱՍՏՈՒԹՅԱՆ ՉՈՐՍ ՍՅՈՒՆԵՐՆ ԵՆ.
ԳԻՏՈՒԹՅՈՒՆ.
Փորձարարությունը Գիտակից Գիտության հիմքն է։ Գիտությունը մեզ սովորեցնում է տարբեր ընթացակարգեր, որպեսզի կարողանանք ճանաչել մեր ներքին աշխարհը և այն անմիջական ձևով վերապրել։
«Գիտելիք» բառը ծագում է «գիտենալ»-ից, ոչ թե «հավատալ»-ից։ Պրակտիկայի միջոցով կարող ենք անմիջական ձևով վերապրել բնության տարբեր Չափումները։
Մենք ուսուցանում ենք հետևյալ պրակտիկաները.
- Կենտրոնացում և Թուլացում
- Աստրալ Ելք
- Մեդիտացիա
- Անցյալ կյանքերի հետահայացք
- Կարմա և Դհարմա
Պրակտիկան է ստեղծում Վարպետին, ուստի պետք է պրակտիկայով զբաղվենք, մինչև որ հաղթենք։
ԱՐՎԵՍՏ.
Արվեստը մեզ սովորեցնում է Ստեղծել։ Թե ինչպես ստեղծենք ինքներս մեզ։ Սեռական կենտրոնում թաքնված են մարդկային էակի մեծ հնարավորությունները։
Գերսեռականությունը կամ Բարձրագույն Սեռականությունը մեզ թույլ է տալիս ստեղծել Էակի Բարձրագույն Գոյութենական Մարմինները, որպեսզի կարողանանք ներկայացվածություն ունենալ բնության տարբեր Չափումներում։
Սա ձեռք է բերվում տղամարդու և կնոջ սեռական միության միջոցով՝ արական ֆալոսի ներմուծմամբ իգական յոնիի մեջ, առանց Ստեղծարար Սեռական Էներգիայի կորստի։
ՀՈԳԵԲԱՆՈՒԹՅՈՒՆ.
Մեր ներսում շատ մարդիկ են ապրում, մենք երբեք նույնական չենք։ Երբեմն մեր մեջ դրսևորվում է մի ժլատ մարդ։ Այլ դեպքերում՝ մի դյուրագրգիռ մարդ։
Որևէ այլ պահի՝ մի առատաձեռն, բարյացակամ մարդ. ավելի ուշ՝ մի սկանդալային կամ զրպարտիչ մարդ. հետո՝ մի սուրբ. ապա՝ մի ստախոս, և այլն։
Մեր Էներգիան ներդրված է մեր թերություններից յուրաքանչյուրի մեջ. մենք մարդ-մեքենաներ ենք, պարզապես խամաճիկներ՝ անտեսանելի թելերով կառավարվող։ Մենք զուրկ ենք իսկական Անհատականությունից, յուրաքանչյուր թերություն շարժվում է տարբեր ուղղությամբ, մենք երբեք նույնը չենք։
Երբ լրջորեն ինքնադիտարկում ենք ներքին աշխարհը, զարմանում ենք այդքան շատ թերությունների վրա։ Մեր թերություններից յուրաքանչյուրը մի այլ մարդ է։
ԲԱՆՏԱՐԿՎԱԾ ԳԻՏԱԿՑՈՒԹՅՈՒՆ
ԱԶԱՏԱԳՐՎԱԾ ԳԻՏԱԿՑՈՒԹՅՈՒՆ
Թերություններից որևէ մեկը վերացնելիս ազատագրվում է այն Գիտակցությունը, որը նա բանտարկված էր պահում։ Եսերից յուրաքանչյուրի Մահով մենք վերագտնում ենք նրա մեջ փակված Իմաստությունն ու Սերը։ Այս կերպ ազատագրված կայծերն աստիճանաբար միաձուլվում են ազատ Գիտակցությանը։
Գիտակցության ազատագրման Մեթոդ.
1- Դիտարկել ինքներս մեզ ամեն պահ, որպեսզի կարողանանք հայտնաբերել այն տարբեր թերությունները, որոնք դրսևորվում են մեր մեջ։
2- Հայտնաբերված թերությունը պետք է դատի ենթարկվի մինչև այն հասկանալը։
3- Հասկացվելուց հետո այն պետք է արմատախիլ արվի մեր սեփական Աստվածային Մորն ուղղված վերացման Աղերսի միջոցով։
a. Այս պարզ ընթացակարգով մենք կարող ենք աստիճանաբար փոխել մեր լինելու ձևը՝ վերացնելով մանրուք առ մանրուք։ Եվ ազատագրել թերություններից յուրաքանչյուրի մեջ բանտարկված Գիտակցությունը։ Այս գործընթացը կոչվում է Մահ շարժման մեջ։
ՄԻՍՏԻԿԱ.
Միստիկան մեզ սովորեցնում է սիրել աշխատանքը՝ թե՛ ներքին, թե՛ արտաքին։
Մարդը սկսում է ճանաչել ներքին աշխարհը, երբ սկսել է փորձարկել. ստուգել իր սեփական անհատական Էակի իրականությունը։
Թե՛ Մարմինների Ստեղծման աշխատանքում, թե՛ թերությունների քայքայման և հանուն Մարդկության Զոհաբերության մեջ անհրաժեշտ է դառնում զարգացնել սերն աշխատանքի հանդեպ՝ հանուն բուն աշխատանքի։ Եվ սա ամենադժվար բաներից մեկն է՝ վերը նկարագրված այն վիճակի պատճառով, որում մենք գտնվում ենք։
Երբ զարգացնում ենք անշահախնդիր Զոհաբերությունը հանուն Մարդկության, սկսում ենք զգալ Սեր նրա հանդեպ, թրթռում ենք Սիրո հրաշալի ուժով և վերապրում ենք մի շատ կարևոր փոփոխություն մեր բջիջներից յուրաքանչյուրում։
Միայն պրակտիկայի և անմիջական փորձարարության միջոցով կարելի է աստիճանաբար կատարելագործել գործելու մեր կարողությունը, որը մենք կանվանենք Միստիկա, քանզի Սերն առանց գործերի անհնար է։
ԻՆՔՆԱՃԱՆԱՉՄԱՆ ՆՊԱՏԱԿՆԵՐԸ։
- 1. Էակի Ինքնաիրացումը։
- 2. Մարդկային էակի վերածնումը։
- 3. Մեր ամբողջ Գիտակցության ազատագրում։
- 4. Էակի բարձրագույն գոյութենական Մարմինների ստեղծում։
- 5. Բոլոր Օրենքների Իմացություն։
- 6. Բարձրագույն Չափումների Իմացություն։
- 7. Մարմնավորել մեր անհատական Քրիստոսին
- 8. Հարություն առնել Ինքն Իր մեջ։
- 9. Հասնել Սրբազան Անհատականության։
Կարդացվում են յոթանասունհինգ գործնական դասախոսություններ՝ ազատ մուտքով և լիովին անվճար, բաշխված գիտելիքի այս չորս սյուների միջև, բոլոր հետաքրքրվողների համար։ Հրավիրում ենք Ձեզ հաճախելու մեր սրահներից ցանկացածը։
ՄԵԾԱՐԳՈ ՎԱՐՊԵՏ ՀԻՍՈՒՍ ՆԱԶՈՎՐԵՑԻ
ՎԱՐՊԵՏ ՀԻՍՈՒՍԸ ՓՈԽԱՆՑՈՒՄ Է ԱՅՍ ՈՒՍՄՈՒՆՔՆԵՐԸ
ՄԵԾԱՐԳՈ ՎԱՐՊԵՏ ԲՈՒԴԴԱ ԳԱՈՒՏԱՄԱ
ՎԱՐՊԵՏ ԲՈՒԴԴԱՆ ԱՌԱՋՆՈՐԴՈՒՄ Է ԻՐ ԱՇԱԿԵՐՏՆԵՐԻՆ
ՄԵԾԱՐԳՈ ՎԱՐՊԵՏ ՍԱՄԱԵԼ ԱՈՒՆ ՎԵՈՐ։
ՎԱՐՊԵՏ ՍԱՄԱԵԼՆ ԱՌԱՋՆՈՐԴՈՒՄ Է ՄԱՐԴԿՈՒԹՅԱՆԸ։
Դասախոսություն 01-ի ավարտ։
